Беш нафар қуролланган жиноятчи Мексика жануби-шарқидаги Веракрус штати, Орисаба шаҳрида жойлашган барлардан бири мижозларига хужум уюштирган. Маҳаллий ҳукуматнинг маълум қилишича, хужум натижасида олти киши, шу жумладан, бир стол атрофида ўтирган "Лос-Сетас" наркокартелининг таниқли вакили Хосе Маркес Бальдерас ва журналист Хуан Эриберто Сантос Каррера ҳалок бўлган.

Ҳодиса вақтида барда яна икки мухбир бўлган. Уларнинг бошига шиша билан уришган, бироқ бундан журналистлар қарийб жабр кўришмаган, деб ёзади маҳаллий маъмуриятнинг "Универсаль" нашри. Яна бир газета – "Буэн Тоно"нинг ёзишича, жиноятчилар журналистлар эмас, балки стол атрофида ўтирган саккиз киши учун келишган. Уларнинг олти нафарини отиб ташлаган, иккиси тирик қолган.

Полиция саволларига жавоб берган икки журналист айни пайтда ҳукумат ҳимояси остига олинган.

Жиноятчилар уларни қўлга олиш жараёнида икки полициячини жароҳатлаб, воқеа жойидан яширинишган. Улардан бирининг аҳволи оғир экани айтилмоқда.