Фарғона шаҳрида илгари 12 марта судланган ва 7 марта амнистия акти билан жазодан озод этилган фирибгар аёл қўлга олинди.

“Инсон ва қонун” нашрининг билдиришича, исми ошкор этилмаган судланувчи ўзини Ўзбекистон инсон ҳуқуқларини ҳимоя қилиш қўмитаси вилоят бўлими раиси ўринбосари деб таништирган.

Шу тариқа, у бир қанча фуқародан жуда катта миқдорда пул олиб ўзлаштирган. Масалан, у Ўзбекистон фуқаролигини олиб бериш ваъдаси билан Қирғизистон фуқароси бўлган аёлдан 1500 доллар олган.

“7 марта амнистия акти қўлланилиб, жазодан озод қилинган бир инсонга нисбатан бундан ортиқ бағрикенглик бўлмаса керак. Бундай инсонпарварликнинг қадрига етмаслик кўрнамаклик эмасми?” деб ёзади Адлия вазирлиги нашри.