Қозоғистонлик ҳаж зиёратчилари Олма-отадан Жиддага тўғри парвоз қилишлари мумкин бўлади. Flaynas авиакомпаниясининг 4 та самолёти кунига 3 тадан рейс амалга оширади.

Бу ҳақда Қирғизистон мусулмонлар диний бошқармаси ҳаж сафари раиси Серикбой ҳожи Ўрознинг Саудия Арабистонига ташрифи давомида маълум бўлди. Қозоғистон вакили Ар-Риёдда “Нас” авиахолдинги раҳбари Аҳмад Султон билан учрашди.     

Учрашувда Қозоғистоннинг Саудия Арабистонидаги элчихонаси вакиллари ҳам иштирок этдилар. Учрашув давомида халқаро авиахолдинг вакиллари билан қозоғистонлик ҳаж зиёратчиларини ҳаж мавсумида ташиш масалалари муҳокама қилинди.    

Икки томонлама муҳзокаралар натижасида томонлар умумий келишув имзолашди.

Келишувга кўра, жорий йилда қозоғистонлик ҳаж зиёратчилари Маккага Flaynas авиакопанияси томонидан етказилади. Зиёратчилар 375 кишилик Airbus330,  300 кишилик Boeing767 ва 210 кишилик Boeing757 самолётлари ёрдамида манзилга етказилади.  

Бугунги кунда Flaynas авиакомпанияси дунёнинг турли давлатлари, хусусан, Индонезия, Малайзия, Ҳиндистон, Болтиқбўйи давлатлари, Африка, Марказий Осиёдан ҳаж зиёратчиларини Саудия Арабистонига етказишни амалга оширади.

Жорий йилда ҳаж мавсуми 11 сентябрдан 7 октябргача давом этади. Қозоғистон фуқаролари ўз истакларига кўра 17 ёки 21 кунлик ҳаж сафарларини танлашлари мумкин.

Зиёратчиларнинг моддий имкониятларига кўра турли даражадаги пакетлар таклиф қилинди. Ҳажни амалга оширувчи компаниялар томонидан таклиф қилинаётган стандарт пакет 3200-3900 долларни ташкил қилади.