"Зенит"нинг собиқ бош мураббийи Лучано Спаллетти «НТВ-Плюс» каналида эксперт сифатида ишлайди. Бу ҳақда телеканал шарҳловчиси Тимур Журавель ўз твиттерида маълум қилган.

"У «НТВ-Плюс» каналини зиёрат қилди. У «Спартак» ва ЦСКА жамоалари ўйини вақтида студияда туриб, ўйинни таҳлил қилади. Унинг исми Лучано", деб ёзади Тимур Журавель.

Ўз навбатида, мураббийнинг агенти Марко Трабукки ҳам бу маълумотни тасдиқлаган.

"Ҳозирча, рус жамоалари трансфер ойнаси вақтида суст. Энг катта трансферни «НТВ-Плюс» амалга оширди. Уларда энди янги эксерт бор", деб ёзади агент ўз твиттерида.