Украина Бош прокуратураси Украинанинг собиқ президенти Виктор Януковични видеоанжуман тартибида сўроқ қилишга қарор қилди. Бу ҳақда 13 август куни Януковичнинг адвокати Виталий Сердюк маълум қилди, деб хабар бермоқда ТАСС ахборот агентлиги.

Украина Бош прокуратураси сўроқни ўтказиш учун Россия Бош прокуратурасига видеоанжуманни ўтказишга ёрдам бериш ҳамда Россиянинг қайси жойида бу амалга ошишини келишиб олиш бўйича мурожаат қилади. Шундай кейингина техник алоқа ўрнатилади.

6 августда Украина Бош прокуратураси Януковични “Ўта йирик миқдорда ўзганинг мол-мулкини бир ўзи ёки уюшган гуруҳ томонидан ўзлаштириб олиш ёки сарфлаб юбориш” моддаси бўйича қўзғатилган жиноий ишни кўриш давомида сўроққа чақирган эди. Бу моддада 12 йилгача қамоқ  жазоси ва мол-мулкни мусодара қилиш кўзда тутилган.  

Янукович сўроққа келишдан ўз хавфсизлигидан хавотирланиб бош тортган. Янукович Украина Бош прокуратурасига сўроқни у ҳозирда яшаётган Ростов-Донда ёки видеоанжуман орқали ўтказишни таклиф қилган.