Хитой ҳукумати хавфли кимёвий ва портловчи моддалар ишлаб чиқариш, сақлаш ва етказиш билан шуғулланадиган компанияларда ялпи текширув ўтказилишини маълум қилди. Бу ҳақда Reuters агентлиги хабар бермоқда.
Таъкидланишича, бу қарор 55 кишининг ҳаётини олиб кетган кучли портлаш билан боғлиқдир.
Эслатиб ўтамиз, чоршанба куни маҳаллий вақт билан соат 23:30да Ruihai Logistics компаниясининг Биньхайда жойлашган иккита омборхонасида кучли портлаш содир бўлди. Омборхонада хавфли маҳсулотлар сақлангани айтилмоқда. Портлаш зарбининг кучлилигидан у маҳаллий сейсмология хизмати томонидан қайд қилинди. Портлаш кучи тротил эквивалентида 3 ва 21 тоннани ташкил қилди.