16 август, якшанба куни Қуёш фаоллиги ортиши Ер геомагнит майдонининг ғалаёнланишига олиб келади. Бу ҳақда Россиянинг “Амалий Геофизика институти” гелиогеофизик хизмати маълум қилди.

Институт берган маълумотларга кўра, 15 август сайёрамизнинг геомагнит майдонида алоҳида беқарорлик даврлари кузатилди, бироқ умуман олганда ҳаммаси меъёрида кетди. Бироқ 16 август куни сайёрамиз аҳолисини магнит бўрони кутмоқда.      

Магнит бўрони Тошкент вақти билан 13 дан 17 гача авж олиши тахмин қилинмоқда. Магнит бўрони кечга яқин ўз кучини йўқотади, бироқ 17 август яримтунида яна кучаяди.

Кейинги ҳафта боши кучсиз магнит бўрони билан бошланиши прогноз қилинмоқда.

Жорий йилнинг 22 июнида Ерда кучли магнит бўрони кузатилган эди. Бундан аввал бизнинг сайёрамиз томон Қуёшда кучли коронал отилиш юз берган.