Кейинги 3 йил мобайнида Ҳиндистондаги 18.5 минг қишлоқ электр қуввати билан таъминланади. Бу ҳақда 15 август куни мамлакат мустақиллиги муносабати билан қилган чиқишида бош вазир Нарендра Моди баёнот берди.

Унинг сўзларига қараганда, “ҳукумат 2022 йилга қадар Ҳиндистоннинг ҳар бир уйини асосий хизматлар, жумладан, электр қуввати билан таъминламоқчи”.

“Биз кейинги минг кун давомида электрсиз қолаётган барча 18.5 қишлоққа электр тармоғи ўтказиш ҳақида қарор қилдик”, – қўшимча қилди у.

1947 йили Ҳиндистон мустақиллиги акти қабул қилинган эди. Айнан шу куни биринчи бош вазир Жавоҳарлаъл Неру Деҳлидаги Қизил форт деворлари узра мустақил республика байроғини кўтарган эди. Шундан буён ҳар йили 15 август куни мустақиллик байрами кенг нишонланади.