ОАВ: Ўзбекистонда йўл маданияти амалда тасдиғини топмаяпти

Ўзбекистон 15 Август 2015 3412

Ўзбекистон кўчаларидаги йўловчилар ҳам, ҳайдовчилар ҳам йўл маданиятига, машина бошқариш маданиятига амал қилмаяпти, бу эса йўлларда кўплаб бахтсиз ҳодисаларнинг рўй беришига олиб келмоқда. Буни “Новости Узбекистана” мухбири Эльвина Саркисова ўз материалида таъкидлаб ўтди.

“Афсуски, “машина бошқариш маданияти” тушунчаси мамлакатимизда амалда тасдиғини топмаяпти: ҳайдовчилар ҳам, пиёдалар ҳам йўл ҳаракати қоидаларини осонлик билан, виждонлари ҳеч ҳам қийналмай бузади”, – нолийди журналист.

Унинг таъкидлашича, шаҳар транспорти хизматларидан фойдаланадиган талабалар, ишчилар, нафақахўрлар, ҳомиладор аёллар ўзини хавфсиз сезмайди. “Бизга Диснейленд нима керак? Ўзимизда “Америка тоғлари” бор”, – деб ҳазиллашади автобус йўловчилари.

Автобус ҳайдовчилари манзилга тезроқ ва осонроқ етиб олиб, масъулияти зиммаларидан соқит қилиш йўлида йўловчиларнинг қулайлиги ва хавфсизлиги ҳақида ўйламайди. Автобусларда кетаётган йўловчилар кўпинча ҳайдовчилардан кўнгли тўлмай, улар одамларни “картошка ёки ўтиндай” ташишидан нолийди.

“Автобус ҳайдовчилар бекатларда 20 дақиқалаб туриб, сўнг катта тезликда манзилга ошиқишни одат қилганлар. Натижада йўловчилар жабр чекади”, – дейди мактаб ўқувчиси Булатова Алсу.
Бундан ташқари, айрим автобуслар ўзига хос “пойга” уюштиришади: бир-бирига яқинлашиб қолганида бекатга тезроқ етиб бориб, кўпроқ йўловчи тўплашга ҳаракат қилишади, бунинг натижасида тезлик чекловларини ҳам бузишади, айрим ҳолларда эса светофорнинг қизил чироғига ҳам ўтиб кетишади.

“49-рақамли йўналишли автобусда узоқ вақт эълон осиғлиқ турди. Унда қуйидаги сўзлар ёзилган эди: 10 дақиқа қўрқсангиз, уйга етиб оласиз. Ҳа, бу ҳазил. Одамлар уни ўқийди, жилмайиб қўяди, уйга етиб боргач эса, ёзувни унутади. Аммо кимлардир учун бу охирги ўқилган матн бўлиши мумкин”, – хулоса қилди журналист.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33393 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 71333 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10124 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 134662 Жамият
Барча замонларнинг энг яхши қора танли спортчилари рўйхати тузилди
23:56 / 19.08.2017 11 Спорт
АПЛ. «Арсенал» мағлубиятга учради
23:50 / 19.08.2017 9 Спорт
Месси ҳам «Барселона»ни тарк этиши мумкин
23:30 / 19.08.2017 1803 Спорт
Эрдўған Германия ички ишлар вазирига “жойини билишни” маслаҳат қилди
23:17 / 19.08.2017 1156 Жаҳон
ОАВ: Барселонада портловчи моддалар ортилган фургонлар орқали учта нуқтада ҳужум режалаштирилганди
22:30 / 19.08.2017 1204 Жаҳон
«Суперкамбэк». Денисов 3 ойлик танаффусдан кейин сафга қайтган ўйинда «Локомотив» қаҳрамонлик кўрсатди
22:20 / 19.08.2017 2806 Спорт
Кўпроқ янгиликлар