Ўзбекистон суди қашқадарёлик Аббос Ғуломовни Россияда одам савдоси билан шуғуллангани учун 6 йилга озодликдан маҳрум қилди. Бу ҳақда Қашқадарё прокуратурасига таянган ҳолда Интерфакс агентлиги хабар берди.
“Қашқадарёлик Аббос Ғуломов 7 нафар юртдошига юқори маош ваъда қилиб, Россияга олиб чиқди. У ерда гумондор ишчиларнинг паспортларини олиб қўйиб, Москва вилоятидаги қурилиш объектларида ишлашга мажбур қилди, маошни эса ўзига олди”, – дейилади прокуратура хабарномасида.
Ўзбекистонга қайтиб келган жабрланувчилар ҳуқуқни муҳофаза қилувчи органларга мурожаат қилишди. Ғуломов Жиноят кодексининг 135-моддасига кўра одам савдосида айбланиб, 6 йилга озодликдан маҳрум қилинди.