Хитойнинг Цзянсу вилоятидаги яшовчи Ду Хун исмли хитойлик аёл бир вақтнинг ўзида иккита эркакка турмушга чиққанликда айбланиб суд олдида жавоб берадиган бўлди. Бу ҳақда The South China Morning Post нашри хабар бермоқда.

Гап шундаки, Хуннинг синглиси Ду Цзюань 2006 йилда ўша пайтда ҳали турмушга чиқмаган опасининг идентификацион картасидан фойдаланиб, турмуш қурган.

Қиз турмушга чиқиш учун рухсат берилган минимал ёш, яъни 20 ёшга тўлмагани сабабли шундай қилган. Хун турмушга чиққандан кейин ўз синглисининг найрангидан ўзининг номига никоҳнинг бекор қилиниши ҳақидаги хабар келгандан кейин воқиф бўлди. Аёл билан унинг синглиси Цзюаннинг эри – Тао Вэй ажрашаётган бўлиб чиқди.

Сиян округи суд ҳаками Син Цзюннинг айтишича, Цзюань ва Вэй Анха вилоятида турмуш қурганларида Хун яшайдиган Цзянсу ҳукуматига бу никоҳнинг қайд қилингани ҳақида ҳеч қандай маълумот тушмагани сабаб ушбу ёлғон узоқ вақт ошкор бўлмай келган. Хитойда паспорт мавжуд эмас. Шахсни тасдиқловчи асосий ҳужжат ID-карта ҳисобланиб, унда никоҳ ҳақида маълумот бўлмайди. Никоҳ тузилганда жуфтликка никоҳ ҳақидаги гувоҳнома берилади.

Хитой қонунчилигига кўра, полигамия (бир жинснинг иккинчи жинснинг бир нечта вакили билан турмуш қуриши) икки йилгача озодликдан маҳрум этиш билан жазоланади. Бу жиноятда айблов қўйиш учун эр-хотиндан бирининг аризаси зарур бўлади.