2026 йилда Марсга юбориладиган биринчи коинот экспедициясининг иштирокчилари сайёрамизга қайтиб келолмайдилар. Ушбу экспедиция Бас Лансдорп раҳбарлиги остида MarsOne хусусий лойиҳаси доирасида амалга оширилмоқда.

Қизил сайёранинг бўлғуси мустамлакачиларида яна Ерга қайтишга на техник имкониятлар, на инфратузилма мавжуд бўлади.

MarsOne’нинг маълум қилишича, Марсда содир бўлаётган барча воқеалар телевидение орқали намойиш этиб борилади. 2020 йилда Марсга қўндириладиган модуль юборилиб, ушбу модуль тупроқ остидан сув олиш технологиясини синовдан ўтказиб кўради. Шунингдек, сайёра сиртидан видео, тасвир ва бошқа маълумотларни доимий тартибда узатувчи алоқа йўлдоши ҳам учирилади.   

Айни пайтда ушбу экспедицияда иштирок этиш учун 202 минг киши ариза берган. Барча танловлардан ўтган 24 кишигина Марсга юборилади.