Ўзбекистон Президенти Ислом Каримовнинг фармони билан “Ўзбекнефтгаз” Миллий холдинг компанияси бошқарув раиси Шокир Файзуллаев Ўзбекистон иқтисодиёт вазирининг иқтисодиётни мордернизациялаш, саноат ишлаб чиқариш инфратузилмасини ривожлантириш масалалари бўйича ўринбосари этиб тайинланди. Бу ҳақда 12news.uz нашрига Ўзбекистон ҳукумат доираларидаги манба маълум қилди.

Манбанинг айтишича, Файзуллаев янги лавозимда иқтисодиётнинг таркибий ўзгаришларининг ўрта муддатли прогнозларини ишлаб чиқиш, ривожлантириш дастурлари, тармоқларни модернизация қилиш ва технологик қайта жиҳозлаш, ишлаб чиқаришларни маҳаллийлаштириш, ресурс тежовчи илғор технологияларни татбиқ қилиш, ижтимоий-иқтисодий ривожланишнинг оптимал суръатлари ва мутаносибликларини таъминловчи замонавий инфратузилма, телекоммуникация алоқаларини ривожлантириш, минерал ва хомашё захираларидан оқилона фойдаланишни бошқаради.

Ўз навбатида, “Ўзбекнефтгаз” МХК раҳбари этиб бунгача холдинг раҳбари биринчи ўринбосари лавозимини эгаллаган Алишер Султанов тайинланди.