16 август куни Торонто шаҳридаги турнир финалида швейцариялик 18 ёшли теннисчи қиз Белинда Бенчич руминиялик тажрибали теннисчи Симона Халепга қарши кортга чиқди ва 7:6 (7:5), 6:7 (4:7) ва 3:0 ҳисобларида (Халеп ўйинни давом эттира олмади) ғалаба қозонди.

Бенчич ушбу турнирнинг ярим финалида аёллар теннисида яққол етакчи ҳисобланувчи Серена Уильямсни мағлуб этганди (3:6, 7:5, 6:4).

Ундан олдинроқ эса, 1 ҳафта доирасида ёш теннисчи аёллар теннисида кучли ўнликдан ўрин олган яна икки нафар теннисчи Ана Иванова (тўққизинчи ўрин) ҳамда Каролин Возняцки (5) каби теннисчиларни енгган эди.

Бу 4та ғалаба эвазига Бенчич 20 ўриндан 12 ўринга кўтарилиб олди.

Айни вақтда, топ-10 рейтингида Серена Уильямс биринчи, Мария Шарапова иккинчи, Симона Халеп эса учинчи ўринни эгаллаган.