АҚШ ва Италия вакиллари очиқ осмон ҳақидаги халқаро шартнома доирасида 17-22 август кунлари Россия устидан кузатув парвозини амалга оширади. Бу ҳақда РИА Новости агентлиги хабар бермоқда.

Россия ядровий таҳдидни камайтириш маркази раҳбари Сергей Рижковнинг сўзларига қараганда, АҚШ ва Италиянинг қўшма миссияси назорат парвозини АҚШнинг ОС-135Б кузатув самолётида амалга оширади. Ҳаво кемаси Новосибирскдаги Толмачёво аэродромидан учиб чиқади.

ОС-135Б қурол-яроғ қўллашга мўлжалланмаган самолётлар тоифасига киради. Самолёт ва унинг ичига ўрнатилган жиҳозлар халқаро кўрикдан ўтказилган.