Нефть нархининг тушиб кетиши ҳамда Ғарб давлатларининг иқтисодий ва сиёсий чекловлари Россия ҳукуматини иқтисодиётдаги тақчилликни турли усуллар билан ёпиш йўлларини қидиришга мажбур қилмоқда. Bloomberg агентлигининг ёзишича, бу сафар тақчилликни бартараф қилиш учун нодавлат пенсия жамғармасидаги 26 млрд доллар маблағдан фойдаланилади.
Иқтисодий ривожланиш вазири ўринбосари Николай Подгузов ва молия вазири ўринбосари Алексей Моисеевларнинг сўзларига иқтибос келтирилган ҳолда маълум қилинишича, ушбу маблағдан 2015 йилнинг иккинчи чорагидан фойдаланила бошланди. Уларнинг воситасида корпоратив облигацияларнинг учдан бир қисми чиқарилди.
Подгузовнинг таъкидлашича, пенсия жамғармаси маблағларини ушбу жараёнга жалб қилиш осонроқдир, негаки бу қарз омонатдорни ортиқча бюрократиядан қутқаради.