Июль ойида Москва фонд биржасида доллар курсининг 14 фоизга мустаҳкамланиши Россия чакана савдо бозорига салбий таъсир ўтказмоқда. “Коммерсантъ” газетасининг ёзишича, маҳсулот етказиб берувчилар чакана савдо тармоқларидан 2 ҳафта ичида нархларни ўзгаритиришни талаб қилмоқда.
2014 йил охирида тармоқлар контрагентларнинг бундай талабларига кўнган эди. Ҳозир етказиб берувчилар ритейлерлар билан меморандум имзолаб, шунинг асосида 2 ҳафта ичида нархларни қайта кўриб чиқишни талаб қилмоқда. Одатда бундай масала 45 кун ичида кўриб чиқилар эди, айрим тармоқларда эса бу муддат 120 кунни ташкил қилар эди.
Бу масала ўтган ҳафта охирида тармоқлараро эксперт кенгаши мажлисида муҳокама қилинган эди. Декабрь ойида имзоланган меморандумнинг амал қилиш муддати 31 март куни якунланди, шу боис етказиб берувчилар яна шу масалани кўтаришди.