АҚШ президентлигига Республикачилардан номзодини кўрсатаётган миллиардер Дональд Трамп сайловолди кампаниясини бир кунга тўхтатиб туришга мажбур бўлади. New York Post нашрининг маълум қилишича, у суд маслаҳатчилари ҳайъати сайловларида иштирок этади.

17 август куни Трамп Нью-Йорк Олий судига келиб, ўз зиммасига юкланган вазифани бажариши керак. Номзоднинг расмий вакиллари маълум қилганидек, Трамп суд мажлисида маслаҳатчи сифатида иштирок этишни сабрсизлик билан кутмоқда.

Ўтган йили Трамп ушбу жараёнда иштирок этмаганлиги боис 250 доллар жарима тўлаган эди. Миллиардер сиёсатчининг таъкидлашича, бунга суднинг хатоси сабаб бўлган – у Нью-Йоркдаги Трамп эгалик қиладиган, лекин яшамайдиган уйга ахборот хатини юборган.