Туркия бош вазири Аҳмад Довудўғли Миллий ҳаракат партияси етакчиси Давлат Бохчали билан учрашув ўтказиб, коалицион ҳукумат тузиш масаласида музокара олиб боради. Бу ҳақда Anadolu агентлиги хабар бермоқда.

13 август куни Довудўғли Халқ республикачи партияси етакчиси Камол Қиличдорўғли билан охирги учрашувни ўтказди, аммо музокаралар бирор натижа бермади. Шундан сўнг бош вазир мамлакатда муддатдан илгари сайловлар ўтказилишини маълум қилди.

Бош вазир етакчилигидаги Адолат ва тараққиёт партияси ҳамда мухолиф Халқ республикачи партияси ўртасидаги музокаралар муваффақиятсиз тугаганидан сўнг Бохчали ҳукмрон партия миллий ҳаракат шартларини қабул қилган тақдирда коалицион ҳукумат тузишга рози бўлишини маълум қилди.

Миллий ҳаракат партиясининг асосий шартига кўра, президент Ражаб Тойиб Эрдўған мамлакат сиёсатига аралашмаслиги керак.