Хитойнинг Тяньцзин шаҳрида содир бўлган техноген фожиа оқибатида компаниялар ва жисмоний шахсларга тўланадиган суғурта миқдори 1-1.5 млрд долларни ташкил қилиши мумкин. Бу ҳақда Reuters агентлиги хабар бермоқда.
“Ҳали қопланиши керак бўлган зарарни ҳисоблашга эрта, аммо фожиа жуда катта бўлди, бирламчи зарар 1-1.5 млрд долларга баҳоланмоқда, кўплаб суғурта компаниялари бу ишга аралашган”, – деди Credit Suisse таҳлиличиси Ариан ванн Веен.
Zurich ва Allianz суғурта компанияларига аллақачон мижозлар мурожаат қилишни бошлаган.
Фожиа қурбонлари сони 114 кишига етди, 95 киши дом-дараксиз кетган деб ҳисобланмоқда. 722 киши турли даражадаги тан жароҳатлари олган. Портлашлардан энг йиригининг қуввати тротил эквивалентида 21 тоннага тенг бўлди.