Ўзбекистон АҚШ билан ўзаро манфаатдор алоқаларни мустаҳкамлаш ва янада ривожлантириш йўлидан бормоқда. Бу ҳақда АҚШнинг Тошкентдаги элчиси Памела Спратлен маълум қилди.

“Биз республика демократик ислоҳотлар ўтказиш ва фуқаролик жамиятини шакллантириш масалалари бўйича конструктив диалог ўтказганидан хурсандмиз. Биз Ўзбекистон билан инфраструктурани ривожлантириш ва иқтисодий алоқаларни чуқурлаштириш йўналишларида ишлашда давом этамиз”, – унинг сўзларини келтиради “Жаҳон” ахборот агентлиги.

У АҚШ Ўзбекистон мустақиллигини тан олган биринчи давлатлардан бири бўлганлигини эслатиб ўтди.

“Ўтган йили Ўзбекистонга мамлакатимизнинг бир қанча кўзга кўринган вакиллари ташриф буюрди. Улар орасида АҚШ савдо вазири ёрдамчиси Арун Кумар, АҚШ қуролли кучлари марказий қўмондонлиги командири генерал Ллойд Остин ва давлат котибининг ёрдамчиси Ниша Бисваллар бор”, – қўшимча қилди Спратлен хоним.