Фарғона-Водил автотрассаси бўйлаб, каҳвахоналар, хизмат кўрсатиш марказлари, кўп сонли тижорий расталар билан бир қаторда, эртаклардаги тасвирлар асосида яратилган уй моделлари ҳам жойлаштирилди. “Правда Востока”да чоп этилган материалда автотрассада сайёҳларнинг диққатини жалб қилиш учун яратилаётган инфраструктура ҳақида ёзилди.

Трасса курорт зонаси ҳисобланмиш Чимёнга элтади. Шу боис йўлни яхшилаш, сайёҳлар диққатини жалб қилиш мақсадида йўл бўйлаб замонавий инфраструктура яратилмоқда.
Шунингдек, ўлкашунослар ва ҳаваскорлар ташаббусига кўра эски қишлоқларда бир қанча янги булоқлар очилиб, уларнинг устидан фавворалар қурилди.