Қутқарувчилар Индонезияда Trigana авиакомпаниясига тегишли ATR 42-300 самолёти ҳалокатга учраган жойда 38 жасадни аниқлади, дея хабар бермоқда Reuters ахборот агентлиги.

“Ҳодиса жойида 37 катта ёшли ва бир гўдак жасади аниқланди”, дея маълум қилди Индонезия транспорт вазирлиги вакили.

Унинг таъкидлашича, ноқулай об-ҳаво туфайли ҳаётдан кўз юмганларнинг жасадларини эвакуация қилиш имкон бўлмаган.

Бундан аввалроқ эса қутқарувчиларнинг Индонезияда самолёт ҳалокатга учраган ҳудудга етиб боргани маълум қилинган эди.