"Барселона” клуби бош мураббийи Луис Энрике Испания Суперкубоги жавоб ўйинидан ўрин олган “Атлетик”ка қарши ўйиндан кейин ўз фикрлари билан ўртоқлашди.

“Атлетик”ни табриклайман! Улар ҳақли равишда ғалаба қозонишди. Биз ҳам яхши ўйин намойиш қилаётгандик, аммо Пикенинг четлатилишидан кейин учрашув биз учун амалда якунланди.

Ғалаба қозониш билан бирга мағлубиятга учрашни ҳам билиш керак. Баъзан ғалабанинг қадрини ҳис қилиш учун ютқазиб турган ҳам яхши.

Мен ўз ишимни давом эттиришни истайман. Бизда жуда кучли жамоа бор. Барча аҳил, бир мақсад йўлида бирлашган”, - дейди Энрике.

Эслатиб ўтамиз, 17 август оқшомида "Ноу Камп" ўйингоҳида "Барселона" ва "Атлетик Бильбао" ўртасида кечган учрашувда 1:1 ҳисоби қайд этилди ва 2 учрашув натижасига кўра, "басклар" Испания Суперкубогига эга чиқишди.