Ўзбекистонда қурилиш материаллари ишлаб чиқариш янги ишлаб чиқариш қувватларининг яратилиши ва эскиларининг модернизацияси бўйича бошқа соҳалардан ўзиб кетди.

Иқтисодиёт вазирлигининг маълумотларига қараганда, 2015 йилнинг биринчи ярмида соҳадаги янги қурилган ёки модернизация қилинган объектлар сони 660тани ташкил қилди. Бу эса ҳисобот даврида Ўзбекистонда янги яратилган ёки модернизация қилинган барча объектларнинг учдан бирини ташкил қилади.

Соҳадаги ишлаб чиқариш суръатларининг йиллик ўсиши ўртача 10-12 фоизни ташкил қилмоқда. “Ўзқурилишмоллари” АК корхоналари қурилиш молларининг 30 янги турини ишлаб чиқаришни йўлга қўйган.