Россиянинг Oktogo туристик портали томонидан россиялик сайёҳлар диққатини жалб қиладиган асосий йўналишлар ҳамда энг қиммат шаҳарлар рейтинглари эълон қилинди. Айтилишича, ушбу рейтингларни тузишда 2015 йил августида турли шаҳарларда россияликлар томонидан буюртма қилинган меҳмонхона ўринлари ҳақидаги маълумотларга асосланилган.

МДҲ давлатлари ҳудудида жойлашган энг қиммат шаҳарлар ўнлигида биринчи ўринни Боку, охирги ўринни эса Бишкек эгаллади. Рўйхатга, шунингдек, Минск, Бишкек, Олма-Ота, Остона, Ереван, Кишинёв, Тбилиси, Киев ва Тошкент кирди.
Худди шу шаҳарларнинг туристлар орасидаги машҳурлик даражаси бўйича тузилган рейтинг шуни кўрсатдики, у ерда сайёҳларга кўрсатиладиган хизматларнинг қиммат ё арзонлиги бу шаҳарларнинг машҳурлигига таъсир кўрсатмайди. Бу рейтингда биринчи ўринга Минск, охирги ўринга эса Тошкент қўйилди.

Мамлакатлар бўйича ҳисобланганда эса, россиялик сайёҳлар учун МДҲдаги энг қиммат давлатлар деб Қозоғистон ва Озарбайжон топилди. Узоқ хориж давлатларида эса Танзания ва Доминикан Республикаси энг давлатлар топилди – бу ерда россиялик турист бир кунда ўртача, мувофиқ равишда, 250 ва 195 доллардан сарфлайди. Энг арзон давлат деб эса Грузия тан олинди.

Узоқ хориж давлатларининг россияликлар орасида энг машҳур туристик йўналишлари деб Таиланд, Вьетнам ва Куба топилди.