21 август куни Жанубий Кореянинг Ўзбекистондаги элчихонаси Тошкентдаги “Туркистон” санъат саройида IV Корейс қўшиқларининг энг яхши ижроси танловини ўтказади.

Гран-при ғолиби K-POP WORLD FESTIVAL-2015 танловида қатнашиш ҳуқуқини қўлга киритади. Агар унинг номзоди профессионал мутахассислардан иборат комиссия томонидан маъқулланган ва етарли интернет-овоз тўпласа, 2015 йил 18 октябрь куни Кореяда ўтказилиши режалаштирилган танловнинг финал иштирокчиси бўлади.

Маълумот учун, 2013 йили бўлиб ўтган Корейс қўшиқлари танловида “Аладдин” гуруҳи ютиб чиққан ва Кореянинг Чангвон шаҳридаги K-POP WORLD FESTIVAL-2013 фестивалида биринчи ўринни эгаллаган эди.

Қайд этилишича, танлов доирасида лотерея ўйини ҳамда Кореянинг диққатга сазовор масканлари мавзусини қамраб олган суратлар кўргазмаси ҳам ташкил этилади.