Олимлар Испаниядаги замонавий Пириней тоғ тизмаси ҳудудида бундан 130 млн йил муқаддам ўсган гулнинг тошга айланган қолдиқларини топишди. Изланишлар натижаси PNAS илмий журналида эълон қилинди.

Ушбу гул Montsechia Vidalii турига мансуб бўлиб, унинг мавжудлиги тадқиқотчиларга ярим аср муқаддам маълум бўлган эди. Бироқ тош қотган намунани синчиклаб ўрганиш натижасида унинг ёши 130 млн йилга тенг экани эндигина маълум бўлди. Шунингдек, ўсимликнинг айнан гул эканини билиш ҳам осон кечмади. Чунки унда гулларга оид яққол аломатлар – гулбарг ва нектар ишлаб чиқарувчи аъзолар мавжуд эмас.

Тадқиқот муаллифларининг тасдиқлашича, ушбу гул замонавий ингичка шохчали кўп йиллик сув ўтларини эслатади.