Буюк Британиянинг Daily Mail нашри Қора денгиз тубига батискафда шўнғиган Владимир Путинни Жеймс Бонд ҳақидаги фильмлардаги ёвуз қаҳрамонга қиёслади.

Нашр 15 йил аввал Путин ўзининг “ноодатий қилмишлари” билан, жумладан стерхлар (оқ лайлак) билан парвоз қилиш ёки яланғоч гавда билан от устида пайдо бўлиш орқали ном таратганини эслатиб ўтди. Нашр Путиннинг батискафда шўнғиши бу коллекциянинг яна битта “экспонатга” бойиганини англатишини айтди.        

“Владимир Путин ўзининг ер ости маконига “орқа эшик” қидириб ўтирмади”, деб ёзди нашр.

Батискафнинг гумбазсимон ойнасидан қараб турган Путин мақола муаллифига Жеймс Бонд фильмларидаги ёвуз қаҳрамонни эслатиб юборди.

Нашрнинг таъкидлашича, Путиннинг камералар олдида бундай алфозда пайдо бўлиши уни “қўрқмас йигит” қилиб кўрсатиш ва рейтингини ошириш учун пухта ўйланган.

Аввалроқ Путин батискафда Қрим соҳиллари яқинида Қора денгиз тубига шўнғиб, у ерда XI асрга тегишли кемалар қолдиқларини кузатиб, у ерда кемалар қолдиқлари ва кўплаб сонда амфоралар топгани маълум қилинган эди.