2015 йилнинг 8-14 август кунлари Италиянинг Милан шаҳрида қишлоқ хўжалиги иқтисодчиларининг халқаро ассоциацияси томонидан ташкил этилган 29- “алоқадор дунёда қишлоқ хўжалиги” халқаро конференцияси бўлиб ўтди.

“Ўрта Осиёда озиқ-овқат маҳсулотлари хавфсизлиги ва таъминланганлиги” сессияси доирасида Иқтисодий тадқиқотлар маркази “Озиқ-овқатлар хавфсизлиги 2030: мавжудлик, йўл ва меъёрлаштирилган озиқланиш” мавзусида маъруза қилди.

Конференция мақсади — озиқ-овқат хавфсизлигини таъминлаш масалаларини муҳокама қилиш, қишлоқ хўжалигини диверсификациялаш, иқлим ўзгаришлари ва халқаро савдо сотиққа мослаштиришдан иборат.

Иқтисодий тадқиқотлар маркази координатори К.Муҳамедханованинг қайд этишича, уч йилда бир маротаба ўтказилувчи мазкур конференция қишлоқ хўжалиги, озиқ-овқат сиёсати, иқлим ўзгаришлари масалаларига оид замонавий усулларни тадқиқ қилиш имкониятини тақдим этади.