Испаниялик Хосе Мичел Франциянинг “Марсель” клубининг бош мураббийи этиб тайинланди. Бу ҳақда клуб матбуот хизмати маълум қилди.
“Мичел “Олимпик”ка ўзининг ёрдамчилари билан мухлислар учун жозибадор футбол таклиф қилиш иштиёқи билан келмоқда” деб айтилмоқда хабарда.
Август бошида “Марсел”нинг эндиликда собиқ бош мураббийи аргентиналик мутахассис Марсело Бьельса клубни ўз истаги билан тарк этган эди.
Аввалроқ Мичел Грециянинг “Олимпиакос” клубига мураббийлик қилган. У клубни январда тарк этган. Грецияда мутахассис грек клубини 2013 ва 2014 йилларда чемпионликка олиб келди ва бир маротаба Греция кубогини (2013) ютди.
“Марсель” бош мураббийи лавозимига номзодлар орасида Москванинг “Спартак” клубининг собиқ бош мураббийи Мурат Якин номи ҳам тилга олинаётган эди.
Хосе Мичель 1982-1996 йиллар давомида Мадриднинг “Реал” клуби ва Испания терма жамоаси сафида яримҳимоячи сифатида тўп сурган. Собиқ футболчи қироллик клуби сафида олти карра Испания чемпиони, икки карра Испания кубоги, уч марта Испания суперкубоги ва икки марта УЕФА кубоги соҳиби бўлган.