19 август куни Жанубий Корея “К-лига”сида 26-тур учрашувларига старт берилди.

Бугун Сервер Жепаров фаолият олиб бораётган “Улсан Хюндай” жамаоси ўз уйида мусобақа жадвалининг учинчи поғонасида бораётган “Поҳанг Стилерс”га қарши баҳс юритди.

Қизиқарли руҳда ўтган мазкур беллашув якунида 1:1 ҳисобидаги дуранг қайд этилди. Эътиборли жиҳати мазкур беллашувда “Улсан” томонидан киритилган ягона голга Ўзбекистон миллий терма жамоаси етакчиси муаллифлик қилди. Сўнгги учрашувларда майдонга тушмаётган Сервер қайтишини шу тариқа гол билан нишонлади.

26-турдан сўнг “Улсан Хюндай” 26 очко билан мусобақа жадвалининг 10-поғонасини банд этиб турибди. Жамоа энди кейинги ўйинини 22 август куни “Сувон”га қарши меҳмонда ўтказади.