Кейинги йилнинг баҳорида Lamborghini компанияси Женева автосалонида янги суперкар тақдимотини ўтказмоқчи. Road and Track нашрининг маълум қилишича, модель гибридли куч қурилмасига эга бўлади ҳамда Ferrari LaFerrari, Porsche 918 Spyder ва McLaren P1 машиналарига рақобатчи бўлади.

Янги машинанинг потенциал мижозларига унинг голограммалари кўрсатилди. Таъкидланишича, суперкар 20 нусхада чиқади, ҳар бир машинанинг нархи 1.2 млн долларни ташкил қилади.

Компаниянинг биринчи гибридли машинаси 2014 йил кузида Париж автосалонида тақдим этилган Asterion бўлган эди. Унинг агрегатлари умумий ҳисобда 910 от кучини беришга қодир эди.

Lamborghini’нинг охирги янгилиги ҳозирча Aventador Superveloce бўлиб турибди. Моделнинг массаси 1 575 кг ни ташкил қилади. Родстернинг 6.5 л ли V12 двигатели 750 от кучига эга. Суперкар 2.9 секундда 100 км/соат тезликка эришади, унинг максимал тезлиги эса 350 км/соатни ташкил қилади.