Қашқадарёда "Ташувчининг фуқаролик мажбуриятини мажбурий суғурта қилиш" мавзусида семинар ташкил этилди

Ўзбекистон 19 Август 2015 1720

2015 йилнинг 18 август куни «Ўзбекинвест» экспорт-импорт миллий суғурта компанияси Қашқадарё вилояти филиали томонидан «Ташувчининг фуқаролик жавобгарлигини мажбурий суғурта қилиш тўғрисида»ги Ўзбекистон Республикаси Қонуни мазмун-моҳиятини кенг жамоатчиликка етказиш мақсадида «Ташувчининг фуқаролик мажбуриятини мажбурий суғурта қилиш» мавзусида семинар ташкил этилди.

Унда мажбурий суғурта билан шуғулланиш ҳуқуқига эга компаниялар, йўловчи ташиш билан шуғулланадиган корхоналар, оммавий ахборот воситалари вакиллари ва фуқаролар иштирок этди.

Тадбирда сўзга чиққанлар қабул қилинган янги ҳужжатнинг мақсади, мазмун-моҳияти ҳақида йиғилганларга маълумот беришди. Хусусан, ташувчиларнинг фуқаролик жавобгарлигини суғурталаш 1993 йилда қабул қилинган «Умумий фойдаланишдаги ҳаво, темир йўл, ички сув ва автомобиль транспорти йўловчиларининг мажбурий шахсий давлат суғуртаси тўғрисида»ги Ўзбекистон Республикаси Қонуни билан амалга оширилиб келинган. Янги қонун эса замон талаблари асосида ишлаб чиқилган бўлиб, ташувчининг хизматларидан фойдаланиш чоғида йўловчига етказилган зарар қопланишини тўлиқ таъминлайди.

Шунингдек, давра суҳбати давомида муҳокамаларда қайд этилдики, ушбу Қонунда ташувчининг ўз фуқаролик жавобгарлигини суғурта қилиш бўйича мажбурияти бажарилишини назорат қилувчи субъектлар кўрсатиб ўтилгани ҳам муҳим аҳамиятга эга. Улар Ўзбекистон Республикаси Парвозлар хавфсизлигини назорат қилиш давлат инспекцияси, Ўзбекистон Республикаси Темир йўлларда юк ва йўловчилар ташиш хавфсизлигини назорат қилиш давлат инспекцияси, Ўзбекистон автомобиль ва дарё транспорти агентлиги каби транспорт соҳасидаги давлат органларидир. Қолаверса, ташувчининг ўз фуқаролик жавобгарлигини суғурта қилиш бўйича мажбурияти бажарилишини назорат қилиш қонун ҳужжатларига мувофиқ тегишли ваколатга эга бўлган бошқа давлат органлари томонидан ҳам амалга оширилиши мумкин.

«Ташувчининг фуқаролик жавобгарлигини мажбурий суғурта қилиш тўғрисида»ги Қонуннинг яна бир аҳамиятли томони шундаки, ҳуқуқий ҳужжат кучга кириши янги иш ўринлари яратилиши, суғурта бозори ва транспорт инфратузилмасини ривожлантириш, аҳолига тақдим этилаётган хизматлар сифатини оширишга кенг имкон яратади.

Интерактив тарзда ташкил этилган давра суҳбати якунида фуқаролар ва журналистларни қизиқтирган саволларга мутахассислар жавоб беришди.

 

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46537 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51713 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9343 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20139 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 335 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 159 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 682 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 876 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 550 Жаҳон
Кўпроқ янгиликлар