Қозоғистонда танганинг долларга бўлган курси кескин тушиб кетиши муносабати билан одамлар ёппасига валюта сотиб ола бошлади. Интерфакс агентлигининг ёзишича, айни пайтда курс 198 танга/1 долларни ташкил қилмоқда, бу миллий банк ўрнатган валюта коридорининг охирги босқичига тўғри келадиган кўрсаткичдир.

Экспертларнинг айтишича, чоршанба куни Олма-Ота ва Остонадаги валюта айирбошлаш шохобчаларида танга курси бир кун илгариги кўрсаткичга нисбатан 5 фоизга тушиб кетиб, 188 танга/1 долларни ташкил қилган.

Айрим шаҳарлардаги айирбошлаш шохобчалари вақтинчалик фаолиятини тўхтатди.
19 август ҳолатига кўра долларнинг расмий курси 188.35 тангани, евронинг курси 208.56 тангани ташкил қилади.