Россиялик шоу-бизнес вакиллари “Рус радиоси”га бойкот эълон қилмоқчи. Бу ҳақда «Говорит Москва» радиоси продюссори Иосиф Пригожин маълум қилган.

Пригожиннинг таъкидлашича, санъаткорлар эфир орқали ўз қўшиқларига изоҳ беришга тайёр. Бундан ташқари, улар “Олтин граммофон” танловида қатнашишдан бош тортиб, ўз радиостанциясини ташкил этишга тайёргарлик кўришмоқчи. Бадиий кенгаш таркибига эса Филипп Киркоров, Алла Пугачёва, Валерия, Кристина Орбакайте ва бошқалар кириши айтилган. Янги станция форматини ижрочиларнинг ўзлари белгилашади.

Санъаткорлар “Рус радиоси”ни Сергей Архипов тарк этиб, унинг ўрнига Сергей Кожевников эгаллаганидан сўнг шундай қарорга келишган. Медиаменежер эса лавозимидан бўшашига радио дастурий сиёсатига бир қатор амалдорларнинг аралашуви сабаб бўлганини айтиб ўтган.

Архипов сўзларига кўра, «Госконцерт» раҳбари Сергей Бунин ундан эфирдаги барча “эски қўшиқ”ларни олиб ташлашни талаб қилган.