Ўзбекистон энергетиклари мамлакатда янги қуёш электр станцияларини қуриш бўйича режаларини маълум қилишди.

Қайта тикланувчи энергия манбаларидан кенг фойдаланиш мақсадида Ўзбекистоннинг Самарқанд, Наманган ва Сурхондарё вилоятларида ҳар бири 100 мегаваттни ташкил қилувчи қуёш электр станциялари қуриш кўзда тутилган.

Бу ҳақда “Ўзбекэнерго” АЖнинг электр тармоқларини эксплуатация қилиш боршқармаси бошлиғи ўринбосари Улуғбек Ҳакимов маълум қилди.

“Бунда электр энергия ишлаб чиқариш йилига ўртача 350 миллионов кВт/соатгача етади ва 110 млн куб метр газ тежалади”, деб таъкидлайди Ҳакимов.

Аввалроқ Самарқанд вилоятида Марказий Осиёдаги биринчи қуёш фотоэлектр станциясини бунёд қилиш лойиҳаси доирасида ерни тайёрлаш бўйича ишлар ниҳоясига етгани маълум қилинган эди. Умумий қиймати 310 млн долларни ташкил қилувчи лойиҳанинг амалга оширилиши Осиё тараққиёт банкининг 110 млн миқдоридаги имтиёзли кредити ҳамда Ўзбекистон реконструкция ва тараққиёт банки маблағлари ҳисобига молиялаштирилади.

Ушбу лойиҳа доирасида “Ўзбекэнерго” АЖ Германиянинг GOPA International Energy Consultant GmbH, Suntrace GmbH ва Renewables Academy AG компаниялари билан лойиҳани амалга оширишда консалтинг хизматлари кўрсатиш бўйича шартнома тузди.

ОТБ экспертларининг баҳолашларича, бу станция Самарқанд вилоятини йилига 150 миллиард кВт/соат электр энергия билан таъминлайди, йилига 40 млн куб метр табиий газ тежаш, иссиқҳона газларининг атмосферага чиқарилишини йилига 200 минг тоннага камайтиришга имкон беради.