Samsung компанияси интернетга уланишнинг йўлдошли глобал тизимини татбиқ қилиш ҳақидаги илмий ҳужжатини чоп этди.

Space Internet лойиҳаси паст баландликлардаги ер орбитасига минглаб махсус қурилмаларни чиқаришни назарда тутади. Гап бортида телекоммуникацион ускуналарга эга 4600 микройўлдошлар ҳақида кетмоқда.

Сунъий йўлдошлар турли частота диапазонларида ишлаши тахмин қилинмоқда. Улардан ҳар бири 1 Тбайт/сония ўтказиш қобилиятини таъминлайди. Тизим ҳар ой 1 зеттабайт, яъни 1 млрд Тбайт маълумотларни узатиш имконини беради. Бу 270 та сдандарт (8 битли) байтлар ёки 1024 эксабайтга тўғри келади. Қиёслаш учун, 2006 йилда инсоният томонидан яратилган рақамли маълумотнинг жами ҳажми 0,16 зеррабайтни ташкил қилган.

Samsung’нинг таклифи ҳозирча фақатгина назарий тус олган. Лойиҳанинг амалиётга татбиқ этилиши ҳақида ҳеч қандай маълумот берилмаган.

Бу лойиҳа шундай лойиҳалардан биринчиси эмас. Жорий йилнинг январида WorldVu Satellites Limited компанияси паст орбитага 648 та йўлдош чиқаришни таклиф қилган. Уларни учириш учун Virgin Galactic компанияси томонидан лойиҳаланаётган LauncherOne тизими қўлланади.