Шимолий ва Жанубий Корея Кэсон саноат парки – икки давлат томонидан бошқарилувчи алоҳида иқтисодий ҳудудда ишчиларнинг минимал ойлигини кўтаришга келишиб олди, деб ёзмоқда The New York Times  нашри.

Бу ҳудудда ишлайдиган ишчиларнинг энг кам маоши Жанубий Корея сўрагандек 5 фоизга, яъни ойига 74 долларгача кўтарилади. Шимолий Корея вакиллари эса маошнинг 5,18 фоизга оширилишини талаб қилаётган эди.

Айни пайтда Кэсон саноат ҳудудида ўртача ойлик 166 долларни ташкил қилмоқда. Ишчиларга маошни Жанубий Корея тўлайди, у Шимолий Кореяга пул маблағларини ўтказиб беради, бироқ ҳар бир ходим қанча пул олиши номаълум.   

Кэсон саноат ҳудудида 124 та фабрика ишлаб, уларда 53,8 минг киши меҳнат қилади.