Туркия раҳбарияти Россия туристик операторларига ҳар бир чартер рейси учун 6 минг доллардан тўлашда давом этади. Бу ҳақда Daily Sabah нашри хабар бермоқда. Субсидиялар дастури 15 сентябрдан 30 ноябрга қадар давом этади.

Туркия маданият ва туризм вазири Умар Чаликнинг сўзларига қараганда, россияликлар мамлакатга ҳар йили ташриф буюрадиган туристларнинг каттагина қисмини ташкил қилади, аммо у ердаги инқироз сайёҳлар оқимининг камайишига олиб келиши мумкин. Шу боис бу соҳага субсидия киритишга қарор қилинган.

Таъкидланишича, Туркиянинг туристик бизнесига, Россиядаги инқироздан ташқари, мамлакат чегарасидаги вазият ҳам салбий таъсир ўтказмоқда.
Субсидиялар дастури МДҲ давлатлари ва Эрон учун ҳам амал қилади.