Украина ташқи ишлар вазири Павел Климкин ўз идораси ходимлари учун инглиз тилини билишни мажбурий қилиб қўйди. Бу ҳақда у Twitter’даги саҳифаси орқали маълум қилди.
Хабарномага илова қилинган мактубда вазир ходимларни инглиз тилини ўрганиш зарурлигидан 1 йил муқаддам огоҳлантиргани айтилган.

Эндиликда тил билиш даражаси яқинлашаётган аттестацияда қўйиладиган асосий талаб бўлади.
Тил билиш идора ходимларининг қўшимча ютуғи ҳисобланиб, нафақат ишлаш жараёнини осонлаштиради, балки кўтарилиш имкониятиниям кўпайтиради, деб қайд қилинди мактубда.