2015 йилнинг 20 август куни Ўзбекистон Республикаси ташқи ишлар вазири Абдулазиз Комилов Ўзбекистонда дипломатик миссиясини якунлаётган Буюк Британия ва Шимолий Ирландия Бирлашган Қироллигининг фавқулодда ва мухтор элчиси Жорж Эдгарни қабул қилди.

Суҳбат чоғида элчининг уч йил давомидаги самарали фаолияти ижобий баҳоланиб, Ўзбекистон – Буюк Британия муносабатларини сиёсий, савдо-иқтисодий, маданий-гуманитар ва бошқа соҳаларда ривожланишига қўшган ҳиссаси учун миннатдорчилик билдирилди.

Ўз навбатида элчи Ўзбекистондаги муваффақиятли фаолияти учун кўрсатилган кўмак ва яратилган шароитлар учун ташаккур изҳор этди.