Янги ўқув йилидан бошлаб Чеченистонда 26та таълим муассасаси, жумладан, Шимолий Кавказдаги йирик хусусий мактаб фаолияти йўлга қўйилади.

Шу билан биргаликда, Грознийда 240 ўқувчига мўлжалланган хусусий таълим маркази ҳам ишга тушади. 13 минг квадрат метр майдонда ўқув бинолари билан бирга, мини футбол, волейбол ва баскетбол майдончалари ҳам ўрин эгаллайди.

Чеченистон таълим вазири Мовлди Усмановнинг таъкидлашича, ҳудуддаги 450та мактабнинг 311тасида дарслар ҳамон икки сменада олиб борилади. 56таси эса кунига уч марта ўқувчиларни қабул қилади. Буларнинг барчаси демографик вазият билан боғлиқ бўлиб, ҳар йили 25-30та мактаб очилишини тақозо этади.