Ўзбекистон Давлат тест маркази сайтида олий таълим муассасаларига кириш учун топширилган тест имтиҳонларининг жавобларини текшириш хизмати пайдо бўлди. Бунинг учун result2015.dtm.uz сайтига кириб, ундан жавобларни билиб олишингиз мумкин. Хизмат бепул тақдим этилади. Абитируентлар жавоблар варақаларидаги рақамни киритиб, неча балл олгани, ўқишга кирган-кирмаганини текшириб олишлари мумкин.

Натижаларни билишни истовчиларнинг кўплиги сабабли, ушбу хизмат, SMS ва Click орқали хизматлар ишида носозликлар кузатилиши мумкин.

Эслатиб ўтамиз, ОТМларга ўқишга кириш имтиҳонлари натижалари 20 август соат 9:00 дан бошлаб ОТМ ҳудудларидаги махсус стендларда эълон қилинади.

Абитируентлар тест натижаларини бевосита ОТМга бормасдан, SMS орқали (Ucell va UzMobile abonentlari), Click тизими, Telegram дастури ёрдамида (контактлар рўйхатига @DTMbot ёки @DTMrobot роботини қўшиш ва йўриқномага риоя этиш лозим) билишлари ҳам мумкин. Бу хизматлар учун пул олинади.