Германияда жорий йилнинг 7 ойида бутун 2014 йилдагидан кўпроқ бошпана бериш ҳақида ариза топширилди. Бу ҳақда Германия Ички ишлар вазирлиги маълум қилди. 

Германияда январь бошидан июль охиригача 218 минг, яъни ўтган йилнинг шу даврига нисбатан 124,8 фоиз кўпроқ киши бошпана бериш ҳақида ариза топширган.

Германия Социал-демократик партиясижа Германияга йил охиригача 700-800 минг қочоқ келиши мумкинлигини тахмин қилинмоқда.  

1992 йилда бошпана бериш ҳақидаги рекорд даражадаги, яъни 440 мингта ариза топширилган эди. 2014 йилда эса 200 мингта ариза топширилди.

Германия Ички ишлар вазирлиги маълумотларига кўра, июлда 37,5 минг киши Германия ҳудудида бошпана бериш ҳақида ариза топширган. Улардан қарийб 40 фоизини Болқон давлатлари – Албания, Босния ва Герцеговина, Македония, Сербия ва Черногория фуқаролари ташкил қилмоқда. Энг кўп ариза топширганлар сурияликлар бўлмоқда.

Қочоқлар кўплаб келаётгани сабабли ҳужжатларни топшириш жараёни кўпроқ вақт олмоқда ва Германия Европада муҳожирлар учун бош йўналишлардан бири бўлиб қолаётгани таъкидланмоқда.