Германияда қочоқ мақомини олишга аризалар миқдори жорий йилнинг 7 ойи ичида 219 минг донани, яъни 2014 йилнинг шу даврига нисбатан 125 фоиз кўпроқни ташкил қилди, деб хабар бермоқда Reuters ахборот агентлиги.

Бу ҳақда ҳукумат баёнотида айтилмоқда.

Қайд этилишича, июлда июнга нисбатан 6 фоиз кўпроқ ариза топширилган.

Аввалроқ немис ҳукумати мамлакатда муҳожирлар сони 10,9 млн га етганини маълум қилган эди. Бу кўрсаткич уч йил аввалги кўрсаткичдан 1 млн га кўпроқни ташкил қилмоқда ва бундай статистика олиб борилаётган даврдан бошлаб, яъни охирги 10 йил ичидаги энг юқори кўрсаткич бўлди.