«Ўзбеккино» Миллий агентлиги буюртмасига асосан «Ўзбекфильм» киностудияси томонидан суратга олинган «Ҳаётда...» бадиий фильми 13-20 сентябрь кунлари XXIV маротаба ташкил этиладиган МДҲ ва Болтиқбўйи мамлакатларининг «Киношок» очиқ кинофестивали (Анапа, Россия) асосий танлов дастурига киритилди

2015 йили катта экранларга чиққан «Ҳаётда...» бадиий фильми ёлғиз фaрзaндининг ўлимидaн сўнг oдaмлaрни дaвoлaш қoбилиятигa эгa бўлгaн бoлaни асраб олиб, умрининг oxиригaчa ўз тaмoйиллaригa сoдиқ қoлгaн олим инсoн ҳaқидa ҳикoя қилaди. Ёлқин Тўйчиев режиссёрлигида ишлаб чиқарилган мазкур фильмда Бахтиёр Қосимов, Акбархўжа Расулов, Зулxумор Мўминова каби таниқли актёрлар суратга тушган.

Маълумот учун, Ўзбекистонда суратга олинган тўлиқ метражли бадиий фильмлар «Киношок» фестивалининг турли танловларида мунтазам қатнашиб келади. Хусусан, 2012 йилги «Киношок»да режиссёр Аюб Шаҳобиддинов томонидан суратга олинган «Паризод» картинаси энг яхши фильм сифатида кинофестивалнинг бош соврини — Гран-прини қўлга киритган.

Қайд этиш жоиз, 2015 йил 20-24 июнь кунлари Филиппин халқаро кинофестивалида «Жаҳон премьералари» доирасида режиссёр А.Мигнаровнинг «Ота» фильми намойиш этилган эди, режиссёр Мансур Абдухолиқовнинг «Қудуқ» картинаси эса 2015 йилги Қозон халқаро кинофестивали асосий танлов дастурига киритилди.

Ҳозиргача бир қатор бадиий, ҳужжатли ва мультпликацион фильмлар, жумладан, «Ҳаётда...» фильми ҳам АҚШ, Германия, Хитой, Австралия каби 10дан ортиқ мамлакатлардаги халқаро кинофестивалларнинг ташкилий қўмиталарига саралаш босқичи учун юборилган ва бу борадаги ишлар давом этмоқда.