Жаҳон банки Украинага инфратузилмавий лойиҳаларни амалга ошириш ва мамлакатнинг марказлаштирилган иссиқлик таъминоти энергия самарадорлигини ошириш учун 732 млн доллар ажратди. Бу ҳақда  Украина уй-жой коммунал мажмуаси вазирлигига иқтибос келтирган ҳолда “Газета.Ru” маълум қилди.     

“Шаҳар инфратузилмасини ривожлантириш-2” лойиҳасини амалга ошириш учун 350 млн доллар (300 млн доллар Халқаро реконструкция ва тараққиёт банки ва 50 млн доллар Тоза технологиялар жамғармаси маблағлари ҳисобидан) йўналтирилди”, дейилмоқда хабарда. Ушбу лойиҳа 2015-2020 йиллар давомида амалга оширилиши керак.

Пул воситаларини иссиқлик таъминоти тармоқларини аввал олиб ташланган қувурларни алмаштириш билан реконструкция қилиш, буғхона ва марказий иссиқлик пункти, муқобил ёқилғи турларида ишловчи буғхоналар қуриш, шахсий иссиқлик пунктлари ва ҳисоблагичлар ўрнатиш, лойиҳавий-смета ҳужжатларини тайёрлаш, техник назорат, бошқа консултацион хизматларни тақдим қилиш ишлари учун сарфлаш режалаштирилмоқда.