Финляндиялик автопойгачи Кими Райкконен “Формула-1” автопойгасида 2016 йилдаги мавсумда ҳам “Феррари” сафида иштирок этади. Бу ҳақда италян автомобилининг матбуот хизмати хабар бермоқда.   

Аввалроқ ОАВда 2007 йилги жаҳон чемпиони муваффақиятсиз иштироклари сабабли  кейинги мавсум учун шартнома олмаслиги мумкинлиги хабар қилинганди. 2014 йилги мавсумда автопойгачи 12-ўрин олган, бу йилда ҳозирча 5-ўринда кетмоқда.     

Райкконен иккинчи йил кетма-кет немис автопойгачиси Себастьян Феттелнинг шериги бўлади.