Шимолий Корея ўзининг демилитаризация (ҳарбий куч киритиш мумкин бўлмаган ҳудуд - Kun) ҳудудида ҳарбий тревога эълон қилди. Бу ҳақда ТАСС Корея Республикаси мудофаа вазирлиги маълумотларига таяниб хабар тарқатди.

«Биз олган маълумотларга кўра, Шимолий Корея ўзининг демилитаризацион ҳудудида ҳарбий тревога кўтарди. Ҳозирда у ердаги қўшин бутунлай жанговар ҳолатда турибди», дейилади манбада.

Шунингдек, манбада қайд қилинишича, мазкур ҳудудни кузатиш маълум миқдорда чеклаб қўйилган.

Эслатиб ўтамиз, олдинроқ Жанубий Корея шимолликлар билан отишмалардан кейин ўзининг юқори даражадаги ҳарбийларини жанговар ҳолатга тайёрлагани хабар қилинганди.